Anna Dóra Valsdóttir er ungur hönnuður sem lætur sér fátt fyrir brjósti brenna. Hún lét drauminnn rætast og hannar nú skartgripi fyrir konur á öllum aldri.
Anna Dóra segist hafa mjög stóra drauma fyrir sig og drenginn hennar og ætli sér að láta þá rætast. „Ég hef föndrað alla mína tíð og elska að eiga einn ellefu ára sem föndrar með mér. Mig hefur alltaf langað að verða gullsmiður og ég lét verða af því árið 2005 en þá flutti ég til Kaupmannahafnar og tók eitt ár í gullsmíði. Mig langar að klára gullsmíði eða einhverskonar hönnun einn daginn.“
Áhugi Önnu Dóru liggur nú í vöruhönnun og hefur hún alltaf haft áhuga á skartgripum. „Þegar ég var svo í Köben sá ég sólgleraugnakeðju sem ég keypti ekki. Ég hugsaði stanslaust um hana og þegar ég kom heim sá ég alla kassana mína: Safn af kúlum og keðjum og fór að dunda mér við að búa til eina keðju. Þar fór þetta að rúlla og ég var allt í einu komin með safn af keðjum. Ég fór svo að selja þær hér og þar síðastliðið sumar.“
Ekki er hér sumar allt árið um kring svo Anna Dóra fór að huga að annars konar skartgripagerð. „Ég fékk þá hugmynd að gera fleiri hluti, ekki bara armbönd og hálsmen. Ég er að gera fullt af lyklakippum, sem er í raun hálsmen – mjög sniðugt fyrir „bisnessfólk“ þar sem þau eru alltaf með svo ljót bönd fyrir nafnspjöld og annað.“
Hægt að panta sínar persónulegu EiDí keðjur
„Það er hægt að koma með sína eigin pöntun til mín,“ segir Anna. „Þú segir mér hvaða liti þig langar að hafa í keðjunni og hefur samband við mig. Þanngi að EiDí er klárlega mjög sniðug og flott jólagjöf.“
Anna vinnur keðjurnar á kvöldin þar sem hún vinnur hjá móður sinni í snyrtistofunni Heilsu og fegurð í Turninum, Smáratorgil „Ég er með mun fleiri hugmyndir sem ég vona að ég geti hringt í framkvæmd sem fyrst. Ég þarf bara að finna tíma!“
Ýttu HÉR til að panta á netinu á betra verði
HÉR eru EiDí keðjur á Facebook
