Heilsuvefurinn Fitbook er rammíslenskur og sérsniðinn að íbúum hér á landi. Hugmyndin að baki vefnum er að veita aðhald og hjálpa fólki að komast í form meðal annars með hjálp mjög ítarlegrar matarreiknivélar og æfingaprógramma.
Mataræði vs. hreyfing
Sumir hugsa með sér að ef þeir æfa nógu stíft þá geti þeir borðað hvað sem er. En þá spyr maður sig: Hvort skiptir meira máli, mataræði eða hreyfing?
Að sögn Dags Eyjólfssonar, einkaþjálfara og annars stofnanda Fitbook er mataræðið mikilvægara: „Mataræðið skiptir í raun mestu máli þó svo að hreyfing sé gríðarlega mikilvæg. Þegar fólk fer að taka sig á gleymist stundum hve mikilvægt mataræðið er. Það er m.a. ástæða þess að við fórum að hanna kerfi til að búa til matarplön fyrir fólk.“
Maskínan Líkaminn
Ef við berum líkama okkar saman við hverja aðra vél þá má líkja því sem við látum ofan í okkur við eldsneyti. Sum okkar vita (af biturri reynslu) hvað gerist ef maður dælir dísilolíu á bensínbíl. Ef við setjum það í líffræðilegt samhengi þá virkar líkaminn ekkert sérstaklega vel ef á hann er eingöngu „dælt“ kolvetnum. En hvenær borðar maður kolvetni og hvenær ekki? Við erum ekkert öll með það á hreinu frekar en við erum öll sérfræðingar í bifvélavirkjun!
Hér kemur Fitbook skemmtilega inn því þegar maður hefur skráð sig þarer hægt að raða inn upplýsingum um það sem maður hefur sett ofan í sig þann daginn og kerfið reiknar út næringarinnihald mjög nákvæmlega: Skipting orkuefnanna, prótín, kolvetni, fita o.s.frv. eru flokkuð niður á skjánum og kerfið segir til um hvort viðkomandi notandi fær nægilega næringu og hvort hún sé rétt.
Það sem gerir Fitbook rammíslenskt
Þegar Dagur var í einkaþjálfaranámi hjá Keili kviknaði hugmyndin að íslensku kerfi á netinu sem auðveldaði fólki að átta sig á næringarinnihaldi og væri einnig til þess fallið að semja viðeigandi æfingaprógrömm fyrir notendur. Æfingaprógrömm bæði fyrir þá sem vilja fara í ræktina og þá sem vilja gera æfingarnar heima.
„Þegar maður fer inn í erlend kerfi sem reikna næringargildi út vantar allar íslensku fæðutegundirnar inn. Skyr, slátur og íslenska lifrarkæfan eru ekki á listunum í kerfunum,“ segir Dagur sem bætti heldur betur úr málunum.
Frá hverjum er baconið? Hvað borðaðir þú mikið?
Þegar maður skrifar inn í matardagbókina hvað var í morgunmat koma upp fjölmargir valmöguleikar. Ekki bara varðandi magn, heldur líka frá hvaða framleiðanda maturinn var.
Blaðamaður prófaði að slá inn „bacon“og upp komu tæplega 200 valmöguleikar:
Strimlar, kurlað, steikt, bacon-kæfa, bacon í samloku og svo mætti lengi telja. Auk þess sem hægt var að velja á milli fjölmargra íslenskra framleiðenda. Svona er hægt að fá mjög nákvæmar upplýsingar um næringarinnihald „eldsneytisins“ sem við dælum á okkur.
Samhliða þessu reiknar kerfið út hve mikið magn næringar maður þarf þann sama dag og kemur með tillögur að mataræði sem og æfingaprógrammi í samræmi við þá þyngd sem maður vill ná, halda eða bæta við sig. Rammíslenskt hugvit!
100.000 krónur í verðlaun
Vefurinn Fitbook er ársgamall núna og af því tilefni er átakskeppni. Verðlaunin eru ekki af verri endanum því í verðlaun eru 100.000 krónur í reiðufé. „Það er mjög algengt að fólk byrji í átaki á nýju ári. Því miður eru margir sem gefast upp og með þessari keppni viljum við hjálpa Íslendingum að halda út. Keppnin stendur yfir í 12 vikur og verðlaunin fær sá notandi Fitbook sem sýnir mestar breytingar á tímabilinu.“
600 krónur á mánuði
Það er ekki dýrt að nýta sér Fitbook-kerfið. Allir geta prófað kerfið ókeypis í eina viku og svo kostar aðgangur 600 krónur á mánuði. Fyrir þann pening fær notandi matarplön, matardagbók og æfingaprógramm sem eru sérsniðin fyrir hvern og einn. Auk þess gefst öllum notendum sem skrá sig fyrir 31. janúar kostur á að vera með í átakskeppninni!
