Þó að Kolaportið ætli sér að loka tímabundið þá virðist ekkert lát vera á flóamarkaðsmenningunni hér í kreppunni en nóg verður um að vera í þeim efnum um helgina.
Fyrst er frá því að segja að Bakkus flutti í nýtt húsnæði á Laugaveg 22 og hefur staðurinn aldrei verið vinsælli. Þennan föstudag verður flóamarkaður þar sem mun hefjast kl 19:00 og verður hann í gangi til u.þ.b 21:30 en þar verður hægt að finna ýmislegt spennandi og ber þar hæst að nefna rússnesk áróðursplaggöt.
Ef að þú kemst ekki á föstudaginn er óþarfi að örvænta því að í Hinu húsinu verður einnig flóamarkaður í kjallaranum (gengið inn Austurstrætismegin). Markaðurinn verður frá 14:00 til 17:00 en einn markaður verður í hverjum mánuði þar sem fólk á aldrinum 16-25 ára getur komið og selt gömul föt og annað dót. Allir eru velkomnir og er hægt að versla sér eithvað ódýrt og fínt.
Um kvöldið gefst svo færi á því að sýna sig og sjá aðra í töffaralegu fötunum því að hljómsveitin Valdimar mun spila á Bar 11 í Hverfisgötu 18. Hljómsveitina þarf vart að kynna fyrir neinum en hún hefur hlotið stigvaxandi vinsælda allt frá því að þeir gáfu út frumburð sinn „Undraland“ árið 2010. Lög af þeim disk hafa notið gríðarlegra vinsælda á öldum ljósvakans og átti hljómsveitin til að mynda tvö lög á árslista Rásar 2 auk þess sem lagið „Yfirgefinn“ hefur verið eitt vinsælasta íslenska lagið hjá x-inu 977. Húsið opnar klukkan 21:00 og aðgangur er ókeypis.
Hægt er að enda helgina á bílskúrssölu á Kex hosteli á Skúlagötu 28 en á sunnudaginn næstkomandi verður þar boðið uppá „allt milli himins og jarðar“. Salan verður í Gym&tonic sem er salurinn við enda gangsins á 1.hæð og verður hún í gangi á millli klukkan 11:00-17:00.
Þannig að það er nóg um að vera um helgina en ef þetta er þinn tebolli þá er um að gera að kikja inn á síðuna www.umhelgina.is og finna sér eithvað við hæfi.
