Jazz hefur hafið innreið sína inn í landið! Stefnan hefur löngum verið sveipuð ákveðinni duluð og ekki er hægt að segja að hún sé mainstream sem endurspeglast í því að tónleikar eða session öllu heldur eru illa auglýstir.
Jazz á rætur sínar að rekja til afrískra/amerískra samfélaga í s-Bandaríkjunum í upphafi 19.aldar. Þetta form af tónlist varð til úr blöndu af afrískum og evrópskum tónlistarstefnum og einkennist tónlistarstefnan af lifandi tónlist og tónlistarspuna þar sem laglína er tekin fyrir og annar aðili spinnur yfir hana eins og við þekkjum úr freestyle hip-hoppi.
Það hefur tekið jazz u.þ.b. 100 ár að berast hingað norður á Atlantshafið og virðist sem vinsældir séu að aukast, ástæðan sem liggur undir grun er kreppan.
Fyrir þá sem ekki vita þá hefur Café Paris, sem er staðsett í hjarta miðborgarinnar sem þeir telja vera í Austurstræti 14 verið með húsband sem spilar lifandi djass hverja helgi og byrja tónleikarnir í kringum 23:00 og standa til u.þ.b . 02:00. Þessir viðburðir hafa mælst mjög vel fyrir hjá fólki en staðurinn er í fínni kantinum og þar er hægt að fá sér góða kokteila og panta sér vel útbúinn mat.
Fastir jazztónleikar byrjuðu þar síðasta sumar og hefur staðurinn sitt eigið húsband. Freysteinn Gíslason er þar í farabroddi en hann var starfsmaður á Café Paris áður en hann byrjaði að spila tónlist þar. Hann spilar á kontrabassa og lærir sitt fag í tónlistarskóla Félags íslenskra hljómlistarmanna sem er hagsmunafélag hljómlistarmanna á íslandi. Þar hitti hann hina meðlimi bandsins sem eru Hrafnkell Gauti Sigurðsson (gítar) Högni Þorsteinsson (gítar) Grímur Hjörleifsson og Ingi Bjarni Skúlasson sem spila báðir á piano.
Staðurinn Faktorý sem er á Smiðjustíg 6 hefur upp á síðkastið einnig tekið jazz upp á sína arma og nú á sunnudaginn 19.febrúar verður live jazz session þar sem mun hefjast klukkan 21:30.
Hressó hefur einnig uppá síðkastið verið með jazzkvöld á miðvikudögum og er það vel þess vert að hafa augun opin fyrir því en þar bregður Böddi söngvari Daltons sér í nýjan búning og spreitir sig á jazz.
Rúsínan í pylsuendanum er svo Kex Hostel á Skúlagötu 28. Hostelið er samkvæmt þeim félagslegt gistiheimili sem þýðir að almennir vegfarendur og förunautar eru boðnir velkomnir. Orðið á götunni er að þar hangi rjóminn af jazzmenningu Íslands. Meðal þeirra sem spila þar eru meðal annars Óskar Guðjónsson og Sigurður Flosasson, en skemmtilegt er frá því að segja að hann er aðstoðarskólastjóri FSÍ, sbr umfjöllun um félagið að ofan.
Þannig að það er nóg um að vera fyrir jazzáhugafólk og viljum við frá www.umhelgina.is óska ykkur góðrar helgi.
