Við erum tvær vinkonur sem höfum verið að velta ýmsum hlutum fyrir okkur sem varða drengi nútímans. Ef það væri ekki fyrir internetið hefði maður aldrei verið kysstur þar sem flest samskipti nútímans fara fram á þeim vettvangi.
Í dag þýðir eitt „poke” eða jafnvel „add” að það sé eitthvað varið í þig. Maður er svosem ekki grunlaus og gerir sér nú alveg grein fyrir því að oft eru strákar í leit að one-night-stand. Eru íslenskir strákar svo miklir kettlingar að þeir þurfi að leita í gegnum Facebook að einhverju auðveldu?
Við höfum velt því fyrir okkur hversu margir landsmenn hafa mælt sér mót í gegnum app á Facebook? Hversu margir haldið þið að hafi grátið í koddann þegar hið fræga Compare Hotness app lagði upp laupana? Aðdáendur þurftu þó ekki að örvænta, því ekki leið á löngu þar til fleiri app í þessum dúr litu dagsins ljós.
Jæja, poke-in og öddin fóru að aukast aftur. Allt í lagi, fyrst að strákar kjósa að kynnast í gegnum þetta þá viljum við að strákurinn taki fyrsta skrefið og þegar við gefum tækifæri á okkur, þá á að grípa það! Þegar kemur að kveðjustund eftir fjögurra klukkustunda spjall á veraldarvefnum og maður svoleiðis situr útétinn með þurr augun af þreytu í von um að drengurinn hafi nú mannað sig upp í það að bjóða þér á ísrúnt eða jafnvel súrt spólutjill.
Hver er ástæðan fyrir því að strákur eyðir heilu kvöldi í að tala við þig á Facebook, dag eftir dag, í stað þess að bjóða þér í hitting?
Er það vegna þess að honum leiðist, hann þorir ekki eða er hann að spila sama leik og við?
Hvernig veit maður líka í gengum facebook hvort að strákurinn líti á þig sem ísetjanlega hlut eða girlfriend material?
Maður þarf nú ekki að horfa lengra en til DVD safnsins eða næstu ástarbókar þar sem kemur nánast undantekningarlaust fram að strákurinn á að taka fyrsta skrefið. Eða hefur þessi hefð snúist algjörlega við?
„Já, krakkar mínir ég skal sko segja ykkur söguna frá því þegar ég og pabbi þinn kynntumst. Hann flirt-aði mig og spank-aði á Taggalicious. Þá vissi ég sko að hann væri hin eini sanni”
Eftir rannsóknavinnu síðustu vikna, stöndum við uppi sem eitt stórt spurningarmerki og vörpum því spurningunni yfir til ykkar kæru lesendur.
Með von um skjót svör,
Tvær úr Tungunum
