Hæ ég las játninguna þína og varð mjög hissa á því að þetta er eiginlega það nákvæmlega sama og gerðist fyrir mig.Ég var voðalega hrifin af strák í níunda bekk og ég var þá í áttunda bekk. Eftir u.þ.b. 1 mánuð af daðriog kossum, byrjuðum við saman.
Þegar við vorum á 3 mánuðinum okkar saman, byrjaði hann að vera eitthvað utan við sig. Mér leið eins og hann væri ekki lengur hrifin af mér en ég hélt það væri bara eitthvað bull í mér.
Næstu daga var hann byrjaður að hunsa mig og vinkona mín hringdi í mig eitt kvöldið og sagði mér að hún hafði séð hann vera drukkinn með stelpu.
Ég hélt að hún hafði bara ruglast á manneskju. Þetta sagði ég mér sjálfri mér til huggunar.
Ég vildi ekki trúa þessu upp á þennann æðislega gaur. Seinna meir spurði ég hann út í þetta og hann neitaði öllu hikandi og horfði alltaf í burtu frá mér.
U.þ.b viku seinna sá ég hann vera að daðra við aðra stelpu og ég labbaði beint til þeirra og heilsaði. Ég vonaði bara að þetta væri eitthvað saklaust spjall, en um leið og ég heilsaði fór hann alveg hjá sér og þá var mér ljóst að hann hafi allan tímann verið að halda framhjá með mismunandi stelpum…
Einn daginn rakst ég á stelpuna sem hann var að daðra við og við heilsuðumst og við fórum að spjalla og það kom í ljós að hann hafði líka haldið framhjá henni og byrjað með vinkonum hennar og haldið framhjá þeim.
Hefði ég ekki komist að þessu væri ég ennþá ástsjúki hvolpurinn hans. Svo einhverjum tíma seinna kynntist ég stráki og það gekk hægt vegna þess að ég átti erfitt með að treysta strákum en við erum ennþá saman í dag og ég treysti honum fullkomlega.
Stelpur, passið ykkur á playerum! Það sem ég lærði á þessu var að hann missti af frábærri stelpu, en það var hans missir, ekki minn.
