Ég er ekki alveg viss hvernig á að segja frá þessu en ég er 15 ára stelpa, og fyrir sirka tveimur árum þá var ég nokkuð mikið lögð í einelti en ég er það reyndar ekki lengur en á þessum tíma mér leið verulega illa. Mér fannst ég ekki hafa neinn til að tala við en stuttu eftir það þá sá ég síðu um „Roleplay“ þar sem þú átt að búa til persónu og eignast fjölskyldu og vini.
Ég vissi ekki fyrst hvað það væri en mér var sama mér vantaði bara einhvern til að tala við. Fullt af fólki er að gera þetta á Facebook svo að ég prófaði þetta, ég gerði kvk persónu en ég eignaðist enga vini eða neitt á meðan ég var stelpa svo ég ákvað að gera KK persónu.
Í fyrstu eignaðist ég bara örfáa vini en síðan varð þetta miklu alvarlegra ég eignaðist „systur“ sem ég gat sagt henni allt hún er betri systir en alvöru systir mín hefur verið við mig.
Ég síðan hitti eina stelpu og við „byrjuðum saman“ en ég sagði henni aldrei hvort ég væri strákur eða stelpa við bara vorum saman og spurðum einskis.
Ég vissi að þetta væri ekki rétt að ég og hún værum „saman“ svo að ég hætti með henni. Eftir það gerðist svolítið…ég hitti aðra stelpu hún er jafn gömul og ég og er fullkomin! Ég elska hana meira en allt! Jafnvel þótt að ég sé ekki samkynhneigð.
Ég hélt fyrst að þetta væri svakalega saklaust eins og hin stelpan hafði verið en svo var ekki því við féllum fyrir hvor annarri þrátt fyrir að ég hafi sett mér þá reglu að gera það ekki.
Skiljanlega vildi hún vita hvernig kærasti hennar liti út, ég hafði ekki hugmynd hvað ég ætti að gera!
Ég hefði getað sagt henni að ég væri stelpa og þessu hefði bara verið búið og ekkert mál en ég vildi ekki sleppa af henni takinu svo ég laug…
Ég sýndi henni myndir af strák í bekknum mínum og sagði henni að það væri ég jafnvel þótt að mér þætti þetta ömurlegt af mér
Eftir það þá hún varð hún enn meira ástfangin af mér og sama átti við um mig.
Við tölumst saman á hverjum degi fram á nótt og ég get ekki lifað af án þess að tala við hana hún er bara yndisleg og ég myndi gera allt fyrir hana.
En þessi lygi er að drepa mig mér finnst eins og ég verð að segja henni frá þessu en ég get það ekki ekki núna…
Hún er alltaf að reyna að láta mig hringja í sig en ég seigi að það sé svo dýrt að hringja frá íslandi til útlanda og hún trúði því en varð mjög leið með það og síðan fann hún út að við gætum notað skype en ég sagði henni að talvan mín væri biluð svo að hún myndi ekki uppgötva að ég væri stelpa en núna er þetta orðið enn alvarlegra við erum búin að vera saman í langan tíma og ég hef ekki áhuga á neinum öðrum!
Þetta átti alls ekki að gerast en ég veit að þetta er sönn ást en við eigum bara ekki að vera saman því að sambandið er lygi.
En ástæðan fyrir því að ég skrifaði þetta er ekki útaf því að láta fólk segja við mig að ég ætti bara að segja henni sannleikann, því að ég get það ekki! Ég elska hana og við yrðum að hætta saman ef þetta fréttist en ég þarf hjálp…
Hún segir að hún ætli að koma til Íslands eins fljótt og hún getur því að hún verður að hitta mig og mig langar að hitta hana meira en allt!
En ég veit að ég get ekki gert henni það… hvað á ég að gera???
