Ég er 16 ára stelpa sem hitti alveg yndislegan strák. Hann var góður við mig og ég kolféll fyrir honum en ég vissi fyrirfram að þetta samband myndi aldrei ganga. Fyrir því voru tvær ástæður:
- Hann var ástfanginn af vinkonu minni sem er nítján ára og á föstu með vini hans.
- Hann er kominn yfir lögaldur
Þetta byrjaði þannig að hann kom heim til mín af því að þessi vinkona mín gisti hjá mér og vildi ræða við hana. Mömmu fannst það allt í lagi og hleypti honum inn. Meðan þau voru að tala saman var ég inni í stofu og ég hugsaði að X væri fallegasti drengur sem ég hafði séð. Þegar þau komu fram fórum við að spjalla og spjölluðum allt kvöldið. Hann fór heim og ég sá hann ekki aftur fyrr en við fórum í útilegu. Við vorum akkúrat á sama stað. Ég uppgötvaði ekki strax að þetta væri X og fannst svolítið skrýtið að einhver gaur væri að kalla á mig en svo vissi það ég strax þegar hann kom nær. Hann talaði við mig um vinkonu mína og sagði við mig að hann gæti ekki hætt að hugsa um hana. Þá ákvað ég að reyna að hjálpa honum að komast yfir hana en því meira ég var með honum því meira féll ég fyrir honum.
Eftir svona þrjár vikur addaði hann mér á Facebook og við töluðum þar saman á hverjum degi í 2-3 tíma. Það endaði á því að ég gat ekki hætt að hugsa um hann og fann til með honum því vinkona mín var að spila með hann – hún vissi að hann bar tilfinningar til hennar en hún notfærði sér það, spurði hann um peninga og fleira. Ég sagði honum það aldrei því ég var of hrædd um að hann myndi hætta að tla við mig þannig ég lét það kyrrt liggja.
Þegar sumrinu lauk hélt ég áfram að tala við hann en einn daginn sagði hann mér að hann og vinkona mín væru byrjuð saman. Ég náði ekki andanum, mér leið eins og heimurinn væri að hrynja og ég gat ekki einu sinni hreyft mig. Ég hringdi strax í hana og sagði henni sólarsöguna.
Hún sagði að ég ætti að reyna að gleyma honum því hann ætti mig ekki skilið. Ég gat ekkert sofið þetta kvöld, lá bara á rúminu mínu og grét og gat ekki hætt. Þetta var í fyrsta skipti sem ég grét vegna stráks. Í október kom X á Facebook og byrjaði að tala við mig og tilfinningin kom aftur en ég mundi að hann væri með vinkonu minni. Ég gat ekki gert henni þetta þó hún hafi gert þetta á minn hlut.
Ég lifi með þessu í dag og hef ekki litið á annan strák því ég sé engan annan en X.
Ég reyni að hætta að hugsa um hann en ég get það ekki.
