Ég vona að einhverjum finnist vera eitthvað vit í þessari grein, en ég hef verið að spá í að skrifa hana í smá tíma. Þetta er semsagt um mitt álit á kynlífi og hverjum maður ætti að stunda það með.
Ég er alls ekki að mæla með skírlífi – bara svona til að taka það fram. Hinsvegar myndi ég stinga upp á því að þú stundir bara kynlíf með manneskju sem þér þykir mjög vænt um.
Ég er strákur í kringum tvítugt og hef verið á föstu í nánast ár núna. Ég og kærastan mín vorum bæði hrein þegar við byrjuðum saman en misstum svo svein- og meydóminn saman. Eftir á séð gæti ég ekki verið ánægðari með að hafa bara ekki sofið með hvaða stelpu sem er, af því mér finnst frábært að þetta sé eitthvað sérstakt sem ég deili bara með og hef bara deilt með kærustunni minni.
Þetta er samt alls ekki fyrir alla kannski – og ég ætla ekki að dæma neinn sem stundar „one-night-stand“ og þannig lagað. En mér finnst einhvernveginn eins og þetta geti ekki verið eitthvað sérstakt ef þú hefur sofið hjá 10 manns áður en þú finnur loks einhvern sem þú ert ástfangin/n af.
Þar að auki hafa kannanir nýlega sýnt fram á að því fleiri manneskjum sem þú sefur hjá áður en þú hittir manneskjuna sem þú vilt vera með, því verr á þér eftir að líða með henni. Þetta á bæði við karla og konur en þó sérstaklega konur.
Hjá þeim virðist hamingja tengjast því meira að vera með einhverjum sem hún elskar og er í stöðugu sambandi með. Því fleiri bólfélaga sem hún hefur því líklegra er að hún verði/sé þunglynd.
Persónulega (ef ég væri ekki í sambandi) myndi ég ekki vilja vera númer 4 hjá einhverri stelpu, og aldrei númer 5. Ég vona að enginn dæmi mig fyrir þetta. Ég veit samt alveg um stráka á mínum aldri sem líður eins og mér en líka stráka sem segjast vera alveg sama.
Ég sé samt ekki fyrir mér að þú getir verið ánægður með að kærastan þín hafi sofið með fullt af fólki á undan þér. Ég held að sumar stelpur hljóti að vera sammála með þetta líka.
Vildi bara koma þessu frá mér. Ég er allavega í hamingjusömu sambandi og er mjög ánægður með það.
