Þeir eru ófáir brandararnir um konur og aksturshæfileika þeirra, hvað þá getu kvenna til þess að leggja í stæði. Nú hefur ný könnum, sem gerð var í Bretlandi, sýnt fram á hið gangstæða og benda niðurstöður hennar til þess að konur séu mun betri í að leggja í stæði heldur en karlmenn.
Þeir sem stóðu fyrir könnuninni fengu 2500 manns með sér í lið og skiptu þeim í hópa eftir kynjum. Könnuninni var skipt í 7 liði; Hversu langan tíma tekur að finna stæði, að láta bílinn liggja rétt í stæðinu, bakka í stæðið, keyra áfram í stæðið, hversu hratt farið var í stæðið, hvort bílinn var lagaður til stæðinu og síðast en ekki síst, hvort bílinn væri í miðju stæðinu.
Niðurstöðurnar komu á óvart en það eina sem karlmenn skoruðu hærra í heldur en konur var tíminn sem það tekur að finna stæði. Karlar virðast því flýta sér meira en konur þegar þeir leggja og keyra því oftar en ekki framhjá lausum stæðum en konur voru mun eftirtektarsamari og fóru stæðin síður fram hjá þeim. Þrátt fyrir það voru karlar fyrr til að finna stæði heldur en konur.
Hinsvegar gekk konum betur í öllum hinum liðum könnunarinnar og voru bílar þeirra oftar í miðju stæðinu og lágu rétt, hraðinn var betri, þeim gekk mun betur að bakka og keyra í stæðin og síðast en ekki síst þá löguðu þær bílana frekar til ef þær hittu ekki rétt í stæðið, ólíkt karlmönnum sem aðeins löguðu bílinn til í 29% tilfella en konur í 56% tilfella.
Þó svo að konum hafi gengið betur en körlum virtist sjálfsálit karla vera mun meira en flestir þeirra töldu sig mun betri í því að leggja í stæði. Það sem kom þó á óvart var að konur virtust líka vera vissari um að karlmenn væru betri í listinni að leggja í stæði.
Niðurstöður könnunarinnar má sjá á vef aðstandenda hennar HÉR
