Við birtum hér myndaþátt Braga Kort af Móeiði Sif Skúladóttur. Flott stelpa sem hefur tekið þátt í Hawaiian Tropic og Samúelkeppninni.
Hvernig lýsir þú þér?
Ég myndi lýsa mér sem bara opinni manneskju. Ég er jarðbundin en hef gaman að því að fara út og hitta fólk.
Hvað ertu að gera í dag?
Ég er að læra listfræði í Háskóla Íslands- hef mikinn áhuga á list og draumurinn er að gerast tattúari, eða allavega eitthvað listtengt.
Segðu okkur frá módelstörfunum:
Fyrsta svona alvöru módel verkefnið mitt var þegar ég fór í Hawaiian Tropic keppnina. Ásdís Rán sá þá um keppnina. Ég er rosalega ánægð með að hafa farið í þá keppni því eftir keppnina bauðst mér fleiri og fleiri módelverkefni og ég kynntist mörgum æðislegum stelpum í keppninni. Ég lenti í þriðja sæti þá og útfrá því þá fékk ég að taka þátt í Miss Bikini International sem haldin var í Kína, og sú ferð var meiriháttar.
Ég hef einnig tekið þátt í ýmsum litlum verkefnum í tengslum við Séð og heyrt, eins og til dæmis Bond stúlkan. Ég hef setið fyrir í Hagkaupsbæklingunum líka og ýmislegt fleira.
Síðastliðinn nóvember tók ég þátt í Samúelkeppninni og vann þá keppni, og má segja að ég sé ennþá brosandi í dag þess vegna
Ertu í sambandi?
Ég er á lausu.
Hver eru framtíðarplönin?
Framtíðarplönin eru að klára skólann og vonandi komast út í skiptinám, helst til Bandaríkjana. en annars reyni ég bara að lifa einn dag í einu.
Hvernig eru íslenskir karlmenn?
Íslenskir karlmenn eru flestir rosalega lokaðir og sjálfselskir en rosalega myndalegir, en auðvitað er þetta jafn misjafnt- er ekki að alhæfa neitt…
____________________________________________________________________________________________
Myndir: Bragi Kort
Förðun: Þórdís Hrund
