„Fimm manns hafa dáið vegna sortuæxlis á Íslandiog er Ísland með hæðstu tíðni sortuæxla á Norðurlöndunum,“ segir Ómari Raiss en hann er talsmaður Tanorexíufélags Íslands.Sólbaðsfíkn eða tanorexia hefur greinst í auknum mæli hér á landi undanfarin ár og virðist hátt hlutfall ljósabekkjanotkunar og aukin tíðni sortuæxla hér á landi haldast í hendur.Skilgreiningin á sólbaðsfíkli er sá einstaklingur sem telur sig óásættanlega fölan og reynir að bæta úr því með óhóflegum sólböðum og ljósabekkjanotkun.
Við heyrðum í Ómari Raiss sem sjálfur hefur persónulega reynslu af sólbaðsfíkn og er nú ötull talsmaður gegn ofnotkun ljósabekkja.„Tanorexíufélag Íslands eða TFÍ eru félagasamtök þeirra sem láta sig sólbaðsfíkn varða. Hvort sem um er að ræða ljósabekkjanotkun eða almenn sólböð, þá oftast í suðrænni löndum. Hér heim snýr þetta aðallega að ljósbekkjum eins og gefur að skilja.“ Segir Ómar Raiss, formaður samtakanna.
Á síðustu árum hefur tíðni sortuæxla aukist, þá sérstaklega í ungum konum og er Ísland með hæðstu tíðni sortuæxla á Norðurlöndunum.
„Árlega greinast u.þ.b. 30 sortuæxli og 30 sortuæxli á forstigi. Undanfarin ár hafa u.þ.b. 5 dáið vegna sortuæxlis á Íslandi,“ segir Ómar í samtali við Bleikt. Vitað er að útfjólubláir geislar auki líkur á sortuæxli svo um muni en ljósabekkjadýrkun Íslendinga hefur verið mikil síðustu ár.
„Hvað varðar nákvæman fjölda þeirra er stundar ljósabekki oftar en almennt þykir hóflegt er erfitt að segja um. Ég er þó viss um að sá fjöldinn sé talinn í þúsundum hér á landi og miða ég þá við einstaklinga sem fara oftar en einu sinni í viku í ljósabekki.“
Ómar gleðst yfir þeim lögum sem banna börnum og ungmennum undir 18 ára aldri að stunda ljósabekki en hann er þó ekki viss um hver eftirfylgnin með þeim lögum sé.
„Bráðabirgðarannsóknir hafa sýnt framá að 18 ára aldurstakmarið hafi áhrif. Það hefur virkilega dregið úr ljósabekkjanotkun ungmenna. Eftirlitinu virðist þó vera ábótavant en rannsókn sem ég framkvæmd með tveimur ungmennum á 19 sólbaðstofum leiddi í ljós að í 14 af 21 skipti sem 16 ára stúlka ætlaði að kaupa sér aðgang í ljósabekk þá gekk það upp en ekki nema í 11 af 21 skipti sem 16 ára drengur ætlaði að kaupa sér sömu þjónustu. Þetta eru tölur sem ég mun koma á framfæri til Velferðaráðuneytisins. Ég tel að hér sé um alltof hátt hlutfall að ræða og mun ég óska eftir upplýsingum um hvernig staðið sé að eftirfylgni að lögunum sé framfylgt og ef ekki hvaða þá?“
Ómar vill benda þeim sem telja sig eiga við sólbaðsfíkn að stríða eða þá sem vilja hafa samband við sig í gegnum Facebooksíðu sína
